रुकुम पुर्वको भुमे गाउँपालिका -१ लुकुमको पञ्चासेमा अटो दुर्घटना हुदा २ जनाको ज्यान गएको छ । शनिबार साझ भुमे- १ स्यावाल स्थित मध्ये पहाडी लोक मार्ग सडक खण्डमा लुकुमबाट ब्राहताल तर्फ जादै गरेको रा १ ह ६७९७ नम्बरको अटो अनियन्त्रित भइ सडकदेखि तीन सय मिटर तल खस्दा भुमे -१ लुकुमकी ३० वर्षकि रेजिना घर्ती र २५ वर्षकी फिसोल्टी घर्तिको मृत्यु भएको हो ।
मृतकहरु एउटै घरका जेठानी देउरानी रहेका छन ।
अन्य ५ जना घाइते भएका छन । घाइते हुनेमा लुकुमकै वर्ष २६ कि प्रतीक्षा बुढा र उहाको ११ महिनाको छोरा सुभम बुढा, वर्ष २५ कि ब्युटी पुन र उहाकी छोरी २३ महिनाकी समृद्धि पुन, लुकुमकै वर्ष ३ का सक्षम घर्ती घाइते हुनुभएको छ । घाइते सबैको जिल्ला अस्पतालमा उपचार भइरहेको छ ।
अटो चालक भुमे-१ का अन्दाजी २९ वर्षका जोते घर्ति भने सम्पर्कमा नरहेको जिल्ला प्रहरी कार्यालय रुकुम पुर्वका प्रहरी नायब उपरीक्षक उमाशंकर प्रसाद यादवले बताउनुभएको छ । रातिको समयमा र अप्ठ्यारो भिरमा दुर्घटना भएको कारण चालक फरार भएको होकि घाइते भएको भनेर ठम्म्याउन नसकेको र घटनास्थलमा प्रहरी निरीक्षक लाल बहादुर विकको नेतृत्वमा गएको टोलिले खोजी कार्य जारी राखेको डिएसपी यादवले बताउनुभएको छ ।
